Transkriptionen | Hans von Speyer | Schwert und Messer

« zurück zur Übersicht

5r

Im Schwertt /

Itm~ In den ochßen schick dich also ste mit dem lincken fus vor vnd halt din schwert vff diner rechte~ site~ mit dem gehultz fur dz haupt dz die kurtz schnide gege~ dir ste vnd halt Im den ortt also gege~ dem gesicht /

Itm~ zu der lincke~ site~ schick dich also in den ochsen ste mit dem rechte~ fus vor vnd halt din schwert zu diner lincken site~ mit dem gehultz vor dz haupt dz die lang schnid gege~ dir ste vnd halt Im den ort also gege~ dem dem gesichtt dz ist der ochß vff beÿden site~

Itm~ die zwo hutte~ oder leger bricht der krümpt haulb vnd wie du den Machem solt vindestu Im zÿttell

Im Messer /

Itm~ Im messer machstu auch die zwo hutte~ machn vnd schicken als Im schwertt sünder mit eyner hant vnd die ander vff den rucken vnd disse hu°t oder leger heist Im messer der stier vnd Im schwert der ochß

Itm~ die zwen hutte~ oder leger bricht der wecker haulb vnd wie du den tribñ oder mache~ solt vindestu Im zÿttell

top

5v

Im Schwertt /

Itm~ die ander hütt die hiest der pflug schick dich also setz den lincke~ fus vor vnd halt din schwert mit gekrueczteñ hende~ vntersich zu diner rechte~ mit dem knopff neben diner rechte~ huefft dz die kurtz schnid oben sy vñ der ortt fursich auch steñ dem mañ gegen dem gesichtt

Itm~ zu der lincken site~ schick dich also in den pflug setz den rechte~ fus vor vnd halt din schwertt neben diner lincke~ site~ vnder sich zu diner lincke~ hueff dz die lang schnid oben gewant sÿ vnd der ortt vber sich ste dem man gege~ dem gesichtt

Itm~ die zwÿn leger oder hu°tte~ bricht der schiller haulb vnd wie du den tribñ oder machen solt vindestu Im zyettell geschriben

Im Messer /

Itm~ Im messer heissent die leger oder die zwo hutte~ der Eber vnd schick dich also Setz dinen lincke~ fus vor vnd halt din messer by dem rechte~ peyn vff der rechte~ site~ mit dem gehultz neben der huff dz die

top

6r

stumpf schnide oben ste vnd der ortt fur sich vff ste dem man zu dem gesichtt

Itm~ die zwÿn leger oder hutte~ brichtt der zwinger vnd wie du den machen soltt vindestu In zÿttell

Im Schwertt /

Itm~ die drytt hu°t oder leger Ist vom tage schick dich also setz den lincken fus for vnd halt din schwert hoch vff mit gestreckten armen vber din haupt vnd die lang schnid fur vnd laß den ortt eyn wenig zu° rueck hange~ vnd ste also in der hu°tt

Itm~ die Hu°t oder leger bricht der zwu°re haulb vnd wie du den machen solt vindest Im zÿttell geschriben

Im Messer /

Itm~ Im messer ist die Hu°t oder leger genãt lügginßlantt vnd schick dich also setz dinen lincke~ fus vor vnd halt din messer mit vff gereckte~ armen hoch vor din haupt vnd die lang oder scharff schnid fur ste vnd ste also in der hu°t

Itm~ die hu°t oder leger bricht der haulb der do heißt im messer der Entriesch haulb

top

6v

Im Schwert /

Item die vierd hut oder leger Im schwertt der do heißt der alber In den schick dich also setz den lincke~ fus vor vnd halt diñ schwert mit gestrackte~ armeñ vor dir mit dem ortt vff der erde~ dz die kurtz schnide oben sy /

Itm~ yttlich meinster d sprachen dz der leger heiß die ysen pfortt vnd ist doch eyn leger /

Itm~ die hut oder die leger brichtt der schÿttler haulb vnd wie du den machñ oder tribent solt vindest Im zyttell /

Im Messer /

Itm~ die vierd hut oder leger Im messer der heisßt die pasteÿ schick dich In die also setz dine~ lincke~ fus vor vnd halt din messer mit gestrackte~ arm vor dir mit dem ortt vff der erde~ dz die kurtz schnid oben ste /

Itm~ die hut oder der leger Im messer bricht der schyttler haulb vnd wie du die stuck vß den vier haulben triben solt vindestu als Im zÿttell geschribe~ darümb hut dich
top

7r

Magister / Andreas /

 

Im Schwertt /

 

Zorn Haulb
Zwueer H
Krümpt
Schyttler

Haulb

Im Messer /

 

Zorn Haulb
Entruesch
Zwinger / wincker
Schyttler oder gefer vñgeferr [oberhalb der Zeile eingefügt]

Haulb

 

Im Schwert /

 

Hu°t

Ochß
Pflug
Alber oder in der yßen pfortt
Vom tag

oder leger

Im Messer /

 

Der Stier
Der Eber 
Luginslant
Die pasteÿ
Luginsßlant

Hut ode~ leger

Itm~ wie du die vier haulb tribñ solt gege~ den vier hutte~ oder leger vindestu do vorn geschribñ darünb Hutt dich

Frisch vff mir vnd dir

top

« zurück zur Übersicht